標題: 八六年最出名既鬼故 [打印本頁]
作者: 拾實什習窄炸集 時間: 9-5-2008 23:13 標題: 八六年最出名既鬼故
八六年o既新春，大關旅行社一個女領隊帶團去海南島，果時o既海南島無咩夜生活，
所以女領隊o向到o左當地o既當晚，( 初一晚 )買o左好多花生啤酒，同班團友坐o向空
地度，傾o下計談o下心，差唔多時間就返酒店休息，仲講定第朝幾點o向酒店集合。
當中有兩個來自香港o既單身男團友被編入同一間房，或者過慣夜生活o既佢o地，太
早訓唔著，所以其中一個提議去附近一個叫小東海o既海灘傾o下計，到達後，一個
o向海灘玩沙執貝殼，一個落o左海灘游水...過o左陣，執貝殼果個男仔發覺另外個男
仔游游o下水唔見o左，都不以為意，以為男仔游游o下水可能上o左岸返o左酒店，所
以佢唯有自己返酒店，無匯合果個男仔。第二日，果個男仔仍然無返酒店，領隊問
起，佢就話尋晚去過邊度邊度，於是領隊同導遊都推算呢個男仔可能離開o左去探佢
o向海南島o既親戚。經商議後決定由個領隊留守酒店等個男仔，導遊同其他團友繼續
出去玩，可惜直至個導遊玩完返o黎，個男仔仲未出現，領隊同導遊最後決定報警，
結果，o向附近o既小東海撈起o左條屍，領隊同導遊認屍後，証實係果個失蹤o既男仔
......屍撈起時，全身白腫，口同鼻孔都塞滿沙，死狀恐怖；由於新春期間醫院唔開，
所以條屍被逼運去佢地住o既酒店，開到最大o既冷氣再用冰密封，市政府同時亦通知
死者o向香港o既家人儘快o黎認屍。
可惜新年期間，辦出入境手續好麻煩，結果佢o既家人延誤差唔多兩個禮拜先趕到去
。市政府解剖屍體後，未等佢家人過o黎就燒o左條屍，最後佢o既家人獲旅行社三萬
蚊o既賠償，佢家人亦將佢o既骨灰帶返香港，事情暫時好似告一段落.........
兩個月後，果間旅行社再派團去海南島，領隊同樣係果個女仔，入住同一間酒店。第
一晚，個女領隊沖完涼後上床休息，熄燈後突然聽到洗手間有花洒聲傳出，女領隊可
能因為太倦，所以無理會照訓，第二朝起身，發覺自己唔係訓緊自己張床而係房間外
o既走廊... 第一反應當然嚇親，下意識以為有賊，於是立即檢視自己財物有無唔見，
結果一切安好，女領隊心已經一怯，不過都當無事發生。同一日，當女領隊帶完團友
出外再返酒店後，整團團友o既行李發覺被離奇地掟出走廊，果一晚，女領隊上床準
備休息，當熄燈後，女領隊清楚咁聽到外有人敲門，夾雜一把聲：「領隊，帶我返香
港......」後來，大關旅行社包架機，載一班法師過去招魂同超渡，報紙都有賣，幾大
陣象o下。後來件事平靜過來，不過女領隊返到香港不停發惡夢，有大師教佢，自己
一個人住同一間酒店、一間房，第朝o向死者遇難o既地方將見到一個椰子，將呢個椰
子帶返香港就無事。女領隊最後照做，事情最後都完結。到宜家，再無人敢住呢間酒
店，連服務生入夜都唔夠膽再入去 ......
作者: 聰洛多薩比 時間: 9-5-2008 23:44
引用:
原帖由 拾實什習窄炸集 於 9-5-2008 23:13 發表 
八六年o既新春，大關旅行社一個女領隊帶團去海南島，果時o既海南島無咩夜生活，所以女領隊o向到o左當地o既當晚，( 初一晚 )買o左好多花生啤酒，同班團友坐o向空地度，傾o下計談o下心，差唔多時間就返酒店休息， ...
周不時都有好多呢d故事...
到底係真係假...
無從稽考...
作者: elvisyuen 時間: 9-5-2008 23:55
當怪談故事聽都唔錯 
作者: 拾實什習窄炸集 時間: 10-5-2008 02:55
引用:
原帖由 elvisyuen 於 9-5-2008 23:55 發表 當怪談故事聽都唔錯
let me make up one for you ....
作者: elvisyuen 時間: 10-5-2008 10:50
洗耳恭聽 
作者: 杜劍龍 時間: 10-5-2008 11:00
當年呢個故事我諗有70%既香港人它聽過. 我都係其中一個. 經典!
作者: 拾實什習窄炸集 時間: 10-5-2008 11:12
引用:
原帖由 elvisyuen 於 10-5-2008 10:50 發表 洗耳恭聽
妹妹背著洋娃娃:-
請你跟著歌詞哼唱一次吧....
歌詞:
妹妹背著洋娃娃...走到花園來看花.....
娃娃哭了叫媽媽...樹上小鳥笑哈哈.....
你發現了嗎恐怖的事情....如果沒發現..就別看歌詞..試著用記憶力
再唱一次
這首歌的主題是妹妹..可是哭的卻是娃娃喔....
再仔細看一次....
妹妹背著(洋娃娃)...走到花園來看花.....
(娃娃)哭了叫媽媽...樹上小鳥笑哈哈.....
發現了吧..誰哭了之後叫媽媽呢?.......
樹上的小鳥為什麼會笑呢.....?
這首歌被傳唱那麼久....
你一直都沒發現這其實是記錄一個靈異事件的歌曲吧....
....下次經過花園時...請小心樹上的小鳥...看他是否在看著你笑....
.....因為.....你可能正背著一個滿臉慘白的恐怖日本娃娃..
還會哭和叫媽媽喔
[ 本帖最後由 拾實什習窄炸集 於 10-5-2008 11:22 編輯 ]
作者: elvisyuen 時間: 10-5-2008 12:48
作者: 聰洛多薩比 時間: 11-5-2008 00:00
引用:
原帖由 拾實什習窄炸集 於 10-5-2008 11:12 發表 妹妹背著洋娃娃:- 請你跟著歌詞哼唱一次吧.... 歌詞: 妹妹背著洋娃娃...走到花園來看花..... 娃娃哭了叫媽媽...樹上小鳥笑哈哈..... 你發現了嗎恐怖的事情....如果沒發現..就別看歌詞..試著用記憶 ...
嘩...
真係咁驚嚇???
作者: 拾實什習窄炸集 時間: 13-5-2008 03:47
that why I don't goto 花園 alone and expeciall when I saw a little girl with a little doll ....
| 歡迎光臨 經典日本特撮●動畫●卡通回憶 (http://www.oldcake.net./) |
Powered by Discuz! 6.0.0 |